- MAILEGUTZA: hizkuntza batek
bere hitz altxorrera beste hizkuntza batetik hartutako elementu lexikalak
ekartzea eta etxekotzea da.
Lexikoa etengabe eraberritzen da; tresnak,
asmakariak eta aurkikuntzak izendatzeko, maiz, beste hizkuntzetara jotzen da.
Osagai hauek mailegatu ohi dira:
- Hitz osoak: Edozein hizkuntzatatik hartutako hitzak dira: sintagma, liburu, auto, informatika, whiski...
- Kultura erroak: Latinetik edo grekotik hartutako aurrizki eta atzizkiak: telegarraio, minigona, hipermerkatu, krioskopia, fotosintesia...
- Hizki arruntak: Erromantzeetatik hartutako aurrizkiak eta atzizkiak: burutazio, amorrazio, barkazio, txikizio, amorante, atarramendu, desegin, desagertu, desbideratu...
- Hitz multzoak: Euskaran fosildurik gelditu diren erdarazko esamoldeak: doministiku (dominus tecum), auskalo (a buscarlo)...
Ba al dakizu nondik datorren " ojalá " espresioa? Arabieratik noski. Arabierazko law šá lláh esaldiak 'Allah-k nahi badu' esan nahi du eta zerbait gertatzea gustatuko litzaigukenean esan ohi dugu.
- Kalkoak: Hizkuntza bateko hitz edo esamoldeak ordezkatzeko, beste hizkuntza batetik hartzen diren hitz edo esamoldeei deritze.
Onartzeko kalkoak: izar (zinema arloan), disko gogorra, posta elektronikoa (informatikan),
Baztertzeko kalkoak:
euskararen sistema gramatikala urratzen duen elementu- konbinazioz eratutako
kalkoak.
- Arabierakoak: arroza, azafraia, almendra, berenjena, albarikoke, azenarioa, alkatxofa, sandia, alkate, alkondara, algebra, alfonbra, alkohol, almohada...
- Latinetikoak: Cova - koba, saecula - sekula, pacem - bake,sabbattum - zapatua (larunbata), dominicus - domeka (igandea),
callis (latina) > calle (erromantzea) > kale
regem > errege ; curriculum, ratio, eliza, liburua, gerezia, ezpata, printzea...
- Frantsesetikoak: collage, afera, kaiera...
grève > greba ; charmant > xarmant
- Gaztelaniatikoak: arrazoi, arrisku, errekargu, eszena, makillajea, kartela, koadernoa, errenta...
almuerzo > almortzu ; verso
> bertso
- Ingelesetikoak: beisbol, futbol, e-mail, film, footing, eslogan, best seller, master, robot, radar, beat, yuppie, break dance, tamagotchi, stop, marketin, software, jazz, whisky, rock, basic, handicap, lamoru, best-seller, cocktail...
JOKUA: aurkitu hitz hauen jatorria. KLIK
iruzkinik ez:
Argitaratu iruzkina