-garri, -tar, - ti atzizkiak

Atzizki deskribatzaileek joera edo eragina gauzatzeko gaitasuna adierazten dute. Hauexek dira erabilienak:

-garri / -karri: aditzei lotzen zaie. Izutu + -garri = izugarri;   tentatu + -garri = tentagarri; lotu + karri = lokarri; eutsi + karri = euskarri...

   Esanahia: 

• zerbaiten eragilea, kausa: nazkagarri, beldurgarri.
• merezi izan: aipagarri, gogoangarri.
• zerbaiterako izan: betegarri, apaingarri.

    Beste adibide batzuk: aipagarri, arriskugarri, aspergarri, barregarri,       beldurgarri, betegarri, dibertigarri, dudagarri, entretenigarri, erabilgarri, erakargarri, errespetagarri, eztabaidagarri, gomendagarri, gorrotagarri, hilgarri, ikusgarrri, izugarri, kaltegarri, kezkagarri, komenigarri, lagungarri, liluragarri, lotsagarri, maitagarri, nazkagarri, negargarri, onargarri, ongarri, osasungarri, penagarri, ulergarri, xarmangarri, zoragarri...

-ti: izena edo adjektiboeoi lotzen zaie. Lotsa + -ti = lotsati;   lo + -ti = loti.

   Esanahia: joera, horretara emana.
  Beste adibide batzuk: bakarti, basati, beldurti, burlati,ezkerti, gezurti,        goseti, kexati, negarti, txizati...

--ar / - tar: izena edo aditzondoei (adberbioei) lotzen zaie.  Araba + -ar = arabar; Espainia +-ar = espainia;  Afrika + -tar = afrikatar; Amerika + -tar = amerikatar...

   Esanahia: 

• Leku izen bati erantsirik, jatorria (gentilizioak): ondarrutar, lekeitiar, donostiar, getxotar...
• zerbaiten aldekoa, joera: ezkertiar, goiztar, eskuindar...

  Beste adibide batzuk:  atzerritar, erromatar, europar, gipuzkoar, hiritar,      kaletar, kanpotar...